१८ फागुन,काठमाडौँ । नेपाल कम्युनिस्ट पार्टीका विप्लवलाई गिरफ्तार गर्न प्रहरीले देशैभर सर्कुलर जारी गरेको छ ।
प्रदेशसभा र प्रतिनिधिसभा चुनावका बेला भोजपुरमा बम बिस्फोट गराएको भन्दै प्रहरीले विप्लव लगायत १८ जनालाई विपक्षी बनाएर बिस्फोटक पदार्थ र ज्यान मार्ने उद्योगमा मुद्दा दायर गरेको छ ।
गत कात्तिक २८ गते भोजपुरमा पूर्वसञ्चारमन्त्री शेरधन राई चढेको गाडीमा आक्रमण भएको र जिल्लाका अन्य भागमा पनि बिस्फोट गराएको भन्दै सो मुद्दामा जिल्ला अदालत भोजपुरले विप्लवलाई पक्राउ पुर्जी जारी गरेको हो ।
अदालतको आदेशअनुसार विप्लवलाई पक्रन प्रहरीले देशैभरि सर्कुलर जारी गरेको भोजपुर प्रहरी प्रमुख डीएसपी दीपेन्द्र पन्जियारले बताए ।
अदालतले उपस्थित गराउन भन्दै पत्र काटेको छ, त्यसैका आधारमा हामीले चन्दलाई खोजी गरेका छौं । गृहजिल्ला कपिलवस्तुमा पनि पक्राउ पुर्जी पठाइएको छ र देशैभर अदालतको सो पक्राउ पठाइएको छ, उनले भने ।
आइतबार सोही मुद्दाका भोजपुरका उद्धव बस्नेतलाई प्रहरीले पक्राउ गरेको थियो । डवलिबाट
