१४ फागुन,काठमाडौं ।शान्तिकाल सुरु भएसँगै समाज परिवर्तनको क्रममा जनयुद्धमा होमिएका महिला तथा सहिद पत्निहरुमाथि घरेलु हिंसा हुने क्रम बढेको छ । कतिपय घटना सार्वजनिक हुन्छन् भने कतिले आफैमा सिमित गर्ने गरेका छन् ।
फागुन १४ अर्थात अाजबाट २१ गतेसम्म जनयुद्धमा वीरगती प्राप्त गर्ने सहिदहरुको सम्झना र सम्मान गरिँदै अाएको छ । माओवादीहरुले अाजबाट एक हप्तालाई विविध कार्यक्रम गरी जनयुद्धका सपना पूरा गर्ने वाचा गरेर सम्मान गर्दै अाएका छन् ।
सहिद सप्ताह सुरु भएकै दिन सहिद पत्नीमाथि नै अाक्रमण भएको छ । पूर्वजनमुक्ति सेनाकी कमाण्डर समेत रहेकी सहिद पत्नी कविता कार्की घरेलु हिंसाको शिकार भएकी छन् । समाजमा हुने सबै खाले विभेदको अन्त्यसँगै अामूल परिवर्तनको लागि ज्यानको बाजी राखेर जनयुद्धमा होमिएकी कविता अाफै घरेलु हिंसाको शिकार हुन् ।
उदयपुरस्थित अाफ्नै घरमा कवितामाथि सोमबार ससुरा र देवरले अाक्रमण गरी कुटपिट गरेका थिए ।
घटनाको विस्तृत विवरण अाउँन बाँकी …
