८ फागुन,पोखरा ।
टिपरको ठक्करबाट सोमबार साँझ स्याङ्जा आँधीखोला गाउँपालिका बर्ष २१ कि बन्दना पौडेलकाे मृत्यु भएकाे छ ।
गण्डकी मेडिकल कलेजमा कार्यरत बन्दना साँझ घर फर्कने क्रममा दुर्घटना परेकी हुन् । साँझ ८ बजेको समयमा उनी सवार ग १३ प ७९८७ नम्बरको स्कुटरलाई ना ६ ख ९००६ नम्बरको टिपरले ठक्कर दिएको थियो ।
टिपरको ठक्करबाट गम्भिर घाइते भएकी पौडेलको उपचारका लागि पश्चिमाञ्चल क्षेत्रीय अस्पताल पुर्याइएकोमा उपचारका क्रममा उनको मृत्यु भएको प्रहरीले जनाएको छ । उनको टाउको र खुट्टामा चोट लागेको प्रहरीको भनाई छ ।
ठक्कर दिने टिपर र चालकलाई नियन्त्रणमा लिएर अनुसन्धान भइरहेको प्रहरीले बताएको छ।
नेपाल विद्यार्थी संघको इकाइ समिति सदस्य समेत रहेकी पौडेल पढाईको साथै राजनीतिकमा पनि अब्बल थिइन् । नेविसंघको इकाइ सदस्य भएपनि पौडेलसँग राजनीतिमा ज्ञानसँगै राम्रो भाषण कला थियो । पौडेलको मृत्युले नेविसंघले सम्भावनाले भरिपूर्ण महिना नेतृ गुमाएको छ ।
