कास्की, ८ फागुन कास्कीको विजयपुरमा बम विष्फोट हुँदा प्रहरी र पत्रकार घाइते भएका छन् ।

नेपाल कम्युनिष्ट पार्टीले आह्वान गरेको बन्दका क्रममा नागढुंगा र विजयपुरमा शंकास्पद वस्तु भेटिएको थियो । नागढुंगामा नेपाली सेनाको बम डिस्पोजल टोली पुगे पनि विजयपुरमा केही समय लागेको थियो । त्यही क्रममा वम विष्फोट भएको थियो ।

घटनामा स्थानीय पत्रकार घनश्याम पाण्डे र प्रहरी कुलबहादुर खत्री घाइते भएका छन् । उनीहरुको गण्डकी मेडिकल कलेजमा उपचार भइरहेको छ । समाचार संकलनको क्रममा रहेका पत्रकार र सुरक्षामा खटिएका प्रहरी बम विस्फोटमा परेका हुन् ।

यसैबीच, झापाको दमकमा पनि विष्फोट भएको छ । दमक–६, घिमिरे सुपरमार्केटमा रहेको एक पसलमा विष्फोट भएको हो ।

पश्चिमी वायुका प्रभावले केही स्थानमा वर्षा र हिमपातको सम्भावना

पश्चिमी वायुको आंशिक प्रभाव, हिमाली क्षेत्रमा वर्षा र हिमपातको सम्भावना

गोरखाको धार्चेमा भीषण सुक्खा पहिरो: बुढीगण्डकी नदी किनारको बाटो अवरुद्ध

बन्दीपुरमा ६७ फिट अग्लो राष्ट्रिय झण्डासहितको पार्क निर्माण हुँदै

‘हिमाली उत्थानशीलताका लागि अनुदानमा आधारित जलवायु वित्त र स्थानीय नेतृत्व आवश्यक’

भीमफेदी दुर्घटना छानबिन गर्न समिति गठन