भारत ७ फागुन ।
माओवादी लडाकुले थापेको एम्बुसमा परी दुई भारतीय सैनिक जवानको मृत्यु भएको छ ।
भारतको छत्तिसगढ राज्यको सुकमा जिल्लामा भारतीय कम्युनिस्ट पार्टी (माओवादी) का छापामार लडाकुले थापेको एम्बुसमा परेर भारतीय सुरक्षा फौजको विशेष टास्क फोर्सका २ जवानको मृत्यु भएको भारतीय सञ्चार माध्यमले जनाएका छन् ।
घटनामा अन्य ६ जना घाइते भएका छन् । सुकमा जिल्लाको भेजी पुलिस स्टेसनको इलाकामा भएको घटनामा माओवादी छापामारहरूले सैनिकको गाडीमा समेत आगजनी गरेका छन् ।
माओवादी विरूद्भको सर्च अपरेसनमा गएको संयुक्त सुरक्षा फौज क्याम्पमा फर्किने क्रममा छापामारले थापेको एम्बुसमा परेको थियो ।
प्रहरीले भने घटनामा २० जना नक्सलवादी लडाकु मारिएको दाबी गरेको छ । एम्वुस विस्फोट भएसँगै भएको झडपमा परी २० जना नक्सलवादी लडाकु मारिएको नक्सलवादी विरोधी अभियानका विशेष प्रहरी महानिर्देश डीएम अवस्थीले दाबी गरेका छन् ।
