काठमाडौं, फागुन ३ । काठमाडौंको महाराजगंजस्थित शिक्षण अस्पताल अगाडि सवारी दुर्घटनामा चालकको मृत्यु भएको छ ।
साढे १ बजे रोकीराखेको ना६ख ५२१६ नम्बरको ट्रकमा बा७३प १८८२ नम्बरको मोटरसाईकल ठोक्किदा मोटरसाईकल चालकको मृत्यु भएको हाे ।मोटरसाईकलमा पछाडी सवार व्यक्ति भने गम्भिर घाईते भएका छन् ।
मृत्यु हुनेमा काठमाडौं बुढानिलकण्ठका २१ बर्षीय सन्तोष कार्की रहेको प्रहरीले जनाएको छ । प्रहरीका अनुसार परिचय खुल्न नसकेका घाईते अन्दाजी २० बर्षीय युवकको शिक्षण अस्पताल महाराजगंजमा उपचार भइरहेको छ ।
दुवै सवारी साधनलाई महाराजगंज वृत्तले नियन्त्रणमा लिएको छ भने ट्रक चालक फरार रहेकाले खोजी भइरहेको प्रहरीले जानकारी दिएको छ । तीव्रगतिमा आएको मोटरसाइकल अनियन्त्रित भइ ट्रकमा ठोक्किएको हो ।
घाइतेको त्रिभुवन शिक्षण अस्पताल महाराजगञ्जमा उपचार भइरहेको प्रहरीले जनाएको छ । मोटरसाइकल र ट्रक दुवैलाई प्रहरीले नियन्त्रणमा लिएको छ ।
