काठमाडौं माघ २४, ।
प्रधानमन्त्री शेरबहादुर देउवाले धनकुटालाई प्रदेश नं १ को स्थायी राजधानी बनाउन आफ्नो तर्फबाट पहल गर्ने आश्वासन दिनु भएको छ ।
सरकारले विराटनगरलाई प्रदेश १ को अस्थायी मुकाम तोकेपछि राजीनामा दिएका नेपाली कांग्रेस धनकुटाका जिल्ला तथा स्थानीय तहका कार्यसमितिका पदाधिकारी, भ्रातृ तथा शुभेच्छुक संस्थाका पदाधिकारीसँग बालुवाटारमा आज भएको छलफलमा उहाँले यस्तो आश्वासन दिनु भएको हो ।
नेपाली कांग्रेसका पार्टी सभापति समेत रहनुभएका देउवाले राजीनामाले समस्या समाधान नहुने भन्दै पदमानै रहेर धनकुटाको विकास र पार्टीका संगठन बिस्तारमा थप जिम्मेवार भएर लाग्न निर्देशन दिनुभयो ।
उहाँले राजीनामा फिर्ता लिन पुनः लिखित आग्रह गर्नु भएको कांग्रेस धनकुटाका सचिव विजय सन्तोषी राईले बताउनुभयो ।
कांग्रेस धनकुटाका प्रतिनिधिमण्डलले धनकुटालाई १ नम्बर प्रदेशको राजधानी बनाउन, जिल्लामा मेडिकल कजेल, सीटीईभीटीको कार्यालय, प्रदेश स्तरको लोकसेवा, शिक्षा आयोग, यातयात तथा राजश्व कार्यालय स्थापाना गर्न तथा धनकुटा अस्पताललाई ५० शैय्याको सरकारी सेवा सुविधाबाट संचालन गर्न, कृषि क्याम्पस संचालन गर्न थप बजेटको व्यवस्था गर्न समेत माग गरेका छन् ।
