रौतहट, २२ माघ ।
धुर्मुस–सुन्तली फाउण्डेसनद्वारा निर्मित सन्तपुर एकीकृत नमूना बस्ती भोली हस्तान्तरण गरिने भएको छ ।
हास्य कलाकार सीताराम कट्टेल र कुञ्जना घिमिरेको पहलमा रौतहटको चन्द्रपुर नगरपालिका वडा नं ८ सन्तपुरमा भूकम्प प्रतिरोधात्मक सुविधा सम्पन्न ४७ वटा घर भोली एक कार्यक्रमको आयोजना गरि बाढीपीडित दलित परिवारलाई हस्तान्तरण गर्न लागिएको हो ।
गत असोज ४ गते शिलान्यास गरिएको सो नमूना बस्तीमा सामुदायिक भवन, मन्दिर, क्लबघर, भ्यू टावर समेत निर्माण भएका छन् ।
गत साउनमा आएको बाढीले सो गाउँका दलित परिवारको घर डुबानमा परेपछि धुर्मुस–सुन्तलीको पहलमा सुविधा सम्पन्न घर बनाइएको हो । करिब रु पाँच करोड ९६ लाखको लागतमा निर्माण भएको फाउण्डेशनका अध्यक्ष तथा कलाकार धुर्मसले जानकारी दिनुभयो ।
एकीकृत नमूना बस्ती अपांगतामैत्री, बालमैत्री, वातावरणमैत्री संरचनाअनुसार निर्माण भएको पनि उहाँले बताउनु भयो । धुर्मुस–सुन्तली फाउण्डेशनको यो चौथो परियोजना हो ।
