१९ माघ,काठमाडौं । क्युवाली क्रान्तिकारी नेता तथा पूर्वराष्ट्रपति फिडेल क्यास्ट्रोले अन्तिम शास रहेसम्म साम्राज्यवादसँग लडे तर छोराले आत्महत्या गरे ।
बिहीबार अन्तर्राष्ट्रिय संचारमाध्यमहरुले क्यास्ट्रोका जेठा छोरा फिडेल एन्जल क्यास्ट्रोले बिहानै आत्महत्या गरेको समाचार प्रशासरण गरेका थिए । सुरुमा क्युवाली नेताहरु पश्चिमा मिडियाहरुले गर्ने गलत प्रचारको रुपमा हेरियो तर क्युवाको सरकारी पत्रिका ग्रान्माले नै एन्जलले अात्महत्या गरेको समाचार लेखेको थियो ।
आणबिक वैज्ञानिक ६८ वर्षीय एन्जलले हवानास्थित आफ्नै घरमा आत्महत्या गरेको समाचारमा बताइएको छ । उनी फिडेलीटोको नामबाट चर्चित थिए ।
क्युवा सरकारका सल्लाहकार समेत रहेका फिडेलीटो तत्कालीन सोभियत संघमा विज्ञान विषयमा अावणविक विषयको अध्ययन गरेका थिए ।
अात्महत्याको कारण क्युवा सरकारले केही नबताएपनि फिडेलीटो डिप्रेसनबाट पीडित थिए । केही महिनादेखि उनी चिकित्सकहरुको निगरानीमा थिए । उनलाई केही समय अस्पतालमै भर्ना गरेर उपचार गरिएको बताइएको छ ।
अाफूले पढेको अाणविक विकास गर्न नपाएकोमा उनी केही वर्षदेखि तनावमा रहेको बताइएको छ ।
