बाँके,माघ १८ ।
नेपालगन्जबाट भारतको लखनउका लागि जाँदै गरेको नेपाली सवार गाडि उत्तरप्रदेश राज्यको बहराईच जिल्लाको रिसियामा दुर्घटना हुँदा दुई जनाको मृत्यु भएको छ ।
नेपाली सवार यूपी ४०१६ ८१४ नम्बरको महेन्द्र गाडी रिसियामा युपी २१ एएन ७०६२ नम्बरको ट्रकसँग ठोक्किएर दुर्घटना हुँदा अन्य तीन जना घाईते भएका छन् ।
दुर्घटनामा नेपालगन्जका मुनब्बर अली हल्वाई र रोशन साहको मृत्यु भएको ईलाका प्रहरी कार्यालय जमूनाहले जनाएको छ ।
मृतक हल्वाई मङ्सिरमा सम्पन्न प्रतिनिधिसभा चुनावमा नेपाल संघीय समाजवादी पार्टीका तर्फबाट बाँके क्षेत्र नम्बर २ मा उम्मेदवार बन्नुभएको थियो । हल्वाई नेपालगन्जमा मुनब्बर मोटर ड्राईभिङ्ग ट्रेनिङ्गका संचालक समेत हुनुहुन्छ भने साह पूर्व प्रहरी नायब निरीक्षक हुनुहुन्छ ।
दुर्घटनामा नेपालगन्जका संग्राम शाह,अंगुर खड्का र ईमरान अली हल्वाई घाइते हुनुभएको प्रहरीले जनाएको छ । दुर्घटनामा मृत्यु भएकाको शव नेपाल ल्याउने तयारी भईरहेको प्रहरीले जनाएको छ ।
