काठमाडौ १५ माघ ।
काठमाडौंको मच्छेबहालमा एक सुरक्षागार्डको हत्या भएको छ । गएराति धारिलो हतियार प्रयोग गरी दोलखा मावापौवा २ घर भएका ५३ वर्षीय तुलबहादुर तामाङको हत्या भएको हो ।

तामाङ इस्टवेस्ट सेक्युरिटजमा सुरक्षा गार्डको रुपमा कार्यरत थिए । उनी ड्युटीमै रहेका बेला हत्या भएको प्रहरीले जनाएको छ ।

राति करिब एक बजेतिर असन र इन्द्रचोक बीचमा पर्ने मच्छेबहालमा अचेत अवस्थामा फेला परेका तामाङलाई प्रहरीले उपचारका लागि ट्रमा सेन्टर र्पुयाएको थियो ।

तर राति पौने २ बजे नै तामाङलाई चिकित्सकले मृतक घोषणा गरेका थिए । टाउको र हिपमा गहिरो चोट लागेका तामाङको अत्यधिक रक्तश्रावका कारण मृत्यु भएको प्रहरीको प्रारम्भिक अनुमान छ ।

घटनाबारे थप अनुसन्धान भइरहेको महानगरीय प्रहरीले जनाएको छ । सीसीटिभी फुटेजका आधारमा हत्यामा संलग्नको खोजी कार्य तीव्र पारिएको छ ।

पश्चिमी वायुको आंशिक प्रभाव, हिमाली क्षेत्रमा वर्षा र हिमपातको सम्भावना

गोरखाको धार्चेमा भीषण सुक्खा पहिरो: बुढीगण्डकी नदी किनारको बाटो अवरुद्ध

बन्दीपुरमा ६७ फिट अग्लो राष्ट्रिय झण्डासहितको पार्क निर्माण हुँदै

‘हिमाली उत्थानशीलताका लागि अनुदानमा आधारित जलवायु वित्त र स्थानीय नेतृत्व आवश्यक’

भीमफेदी दुर्घटना छानबिन गर्न समिति गठन

अवरुद्ध कालीगण्डकी करिडोर सञ्चालनमा