धनुषा, माघ १३ ।
धनुषाको गणेशमान चारनाथ नगरपालिकामा आज बिहान टाटासुमो दुर्घटना हुँदा ६ जनाको मृत्यु भएको छ ।
मृत्यु हुनेहरुमा सङखुवासभाका २९ बर्षिय नायाराज जिमि , मोरङ विराटनगरका ४५ का सारदा रेग्मी दाहाल , विराटनगरकै ३२ बर्षिय प्रहलाद न्यौपाने , खोटाङ निर्मलिडाडाका २७ बर्षिय ज्ञानबहादुर चौहान , मोरङ लेटाङका ४० बर्षिय खेमकुमार रानामगर र पाँचथर ३१ बर्षिय प्रनिता राई रहेका छन् ।
सुमोमा ११ जना सवार रहेकोमा अन्य ५ जनाको जिवितै उद्धार गरिएको जिल्ला प्रहरीकार्यलय धनुषाले जनाएको छ ।
काठमाडौंबाट झापा तर्फ जाँदै गरेको बा ९ च ३३१४ नम्बरको टाटा सुमो आज बिहान साढे दुई बजे गणेशमान वडा नम्बर ८ कमलापुल नजिकै
अनियन्त्रीत भएर पोखरीमा खसेको प्रहरीले बताएको छ ।
उता , पाँचथरमा जीप दुर्घटना हुँदा २ जनाको ज्यान गएको छ । ३ जना घाइते भएका छन् ।
गएराति वारेबुङबाट योङयापका लागि छुटेको ग १ ज ६० ८५ नम्बरको जीप याङबरक गाउँपालिका २ मा दुर्घटना हुँदा १९ वर्षका प्रवेश योङ्या र १६ वर्षका सन्दीप योङयाको ज्यान गएको प्रहरीले जनाएको छ ।
घाइतेलाई उपचारको लागि झापा ल्याउने तयारी भएको छ ।
