काठमाडौ १२ माघ ।
आज ६६ औं विश्व भन्सार दिवस, नेपालमा पनि विभिन्न कार्यक्रमको आयोजना गरी मनाइदैछ । विश्व भन्सार संघको आह्वानमा हरेक वर्ष जनवरी २६ तारीखमा विश्वभर यो दिवस मनाउने गरिन्छ ।
दिवसको यो बर्षको अन्तर्राष्ट्रिय नारा आर्थिक विकासका लागि सुरक्षित व्यवसायिक वातावरण तय गरेको छ । दिवसले मुलुकको समृद्धिका लागि सुरक्षित व्यवसायिक वातावरण निर्माण गर्नुपर्नेमा जोड दिएको छ ।
दिवसका अवसरमा सरकारी तथा निजी स्तरका संघ संगठनहरुले आज गोष्ठी, अन्तरक्रिया लगायत विभिन्न कार्यक्रम गर्दैछन् । अर्थमन्त्रालयले आज विषेश कार्यक्रमको आयोजना गरेको छ ।
भन्सार छलेर कुनै सामान या सेवाको आपूर्ति गर्नु कानूनतः ठूलो अपराध मानिन्छ । वस्तु तथा सेवाको कानूनतः आपूर्ति गर्नका लागि भन्सार छल्नु सजायको भोगी हुनु हो ।
नेपालमा बन्द, चक्काजाम, आन्दोलन जस्ता गतिविधिका कारण वस्तु तथा सेवाको आयात निर्यातमा असर पुग्नुका साथै राजश्व असुलीमा कठिनाई हुने सरोकारवालाहरुको गुनासो छ ।
