वीरगन्ज, माघ ८ । प्रहरीको कुटाइबाट वीरगन्जकी १५ बर्षिय छोरी मुनि पासवान दासको आँखा गुमेको छ ।
आज विहान ११ बजे गाँजा खाने युवकलाई समात्न जादा उनीहरुलाई लखेट्ने क्रममा लाठी चलाएको परिवारजनको भनाई छ। बिरगंज महानगरपालिका वार्ड नम्बर १६ नगवा स्थित भुटनदेबिमाइ मन्दिरका पुजारी भूषण पासवान दासकी छोरी मुनिको बिहान ११ बजे इलाका प्रहरी कार्यालय नगवाका प्रहरी जवान दिपेन्द्र झाको कुटाइ बाट आँखा गुमेको पिडित पासवानको आरोप छ ।
अस्थायी प्रहरी पोस्ट नगवाका प्रहरी जवान दिपेन्द्र झाले चलाएको लाठीले मुनीको आँखामा गम्भीर चोट लागेको थियो ।
चोट लागेपछि प्रहरीले मुनीलाई नारायणी उपक्षेत्रीय अस्पतालमा प्रारम्भिक उपचार गरी थप उपचारको लागि केडिया आँखा अस्पताल लगेका छन्।
बाँया आखामा गम्भीर चोटले आँखाको ज्योति गुमेको अस्पतालका प्रशासक प्रकाशकुमार बर्माले पुष्टि गरेका छन्।
यस घटनाको विषयमा अनुसन्धान भइरहेको पर्सा प्रहरीका प्रवक्ता डिएसपी राजन लिम्बुले बताए ।‘युवतीलाई उपचार गराई रहेका छौ, तर चोट कसरी लाग्यो भन्ने कुरा खुल्न सकेको छैन,’उनले भने,‘घटनाबारे छानबीन हुँदैछ।’
