काठमाडौं, माघ २ ।
शेयर बजार परिसूचक नेप्से आज १७ अंकभन्दा धेरैले घटेको छ ।
आइतबार १४ सय ३० दशमवल ६ विन्दुमा बन्द भएको नेप्से मंगलबार १७ दशमलव ३९ अंकले घटेर १४ सय १३ दशमलव ७ विन्दुमा झरेको हो ।
सबै समूहको परिसूचक घटेको दिन आज सवैभन्दा धेरै जलविद्युत समुह १ सय अंकले घटेको छ । त्यस्तै विमा ८८ दशमलव ६, विकास बैक १५ दशमलव ९, लघुवित्त १७ दशमलव ७ र बैंकिङ समुह १२ दशमलव ३ अंकले घटेको छ ।
आज कारोबार रकम पनि घटेको छ । जम्मा ३६ करोड २२ लाख रुपैयाँको मात्र शेयर किनबेच भएकोमा आज सबैभन्दा धेरै सानिमामाइ हाइड्रोपावर लिमिटेडको शेयर ५ करोड ४५ लाखभन्दा धेरैको किनबेच भएको छ ।
त्यसैगरी नबिल बैक, नेशनल लाईफ इन्स्योरेन्स, नेपाल लाईफ इन्स्योरेन्सलगायत कम्पनीको शेयर पनि आज धेरै कारोबार भएका कम्पनीको सूचीमा परेका छन. ।
समग्र बजार घटेपनि आज नबिल सम्बृद्धि फण्डका लगानीकर्ताले ४ प्रतिशत कमाएका छन् । त्यस्तै सिन्धु विकास बैकको झण्डै ८ प्रतिशत र चिलिमे जलविद्युत कम्पनीको ७ प्रतिशत भाउ घटेको छ ।
