काठमाडौं ,३० पुस।सर्वोच्च अदालतले धुवाँधुलो नियन्त्रण गर्न परमादेश जारी गरेको छ। न्यायाधीश दीपकराज जोशी र चोलेन्द्र शम्शेर जबराको संयुकत इजालासले धुवाँधुलो प्रदुषण नियन्त्रणका सम्बन्धमा आइतबार परमादेश जारी गरेको हो। वातावरणीय विकास तथा संरक्षण कानून मञ्चको तर्फबाट अधिवक्ता पदमबहादुर श्रेष्ठले दर्ता गरेको मुद्दाको फैसला गर्दै इजलासले धुवाँधुलो परमादेश जारी गरेको हो।
निवेदक श्रेष्ठले गत वर्ष माघ १० गते काठमाडौं उपत्यका भित्र कुनै पनि निर्माण कार्य गर्दा धुलोधुवाँ नियन्त्रण गरेर मात्र आयोजना सञ्चाल नगर्न-गराउन, विभिन्न किसिमको निर्माण कार्यबाट उत्सर्जन भएको माटो, फोहरमैला, कार्यस्थलमावा बाटो तथा सडकमा छोडेको कारणले अवरोध पुग्नुको साथै वातावरणमासमेत प्रदुषण हुने भएकोले तत्कालै फोहर मैला हटाई सडक सदैव सफा राख्नु भन्ने विपक्षीको नाममा परमादेश जारी माग गरेका थिए।
यस मुद्दामा २०७३ माघ १७ गते, डा. आनन्दमोहन भट्टराईको एकल इजलासले निवेदकको माग बमोजिम काम गर्न विपक्षीका नाममा अन्तरिम आदेश र मुद्दालाई अग्राधिकार दिएको थियो।
