चितवन पुस २९ ।
रातको समयमा बन्दै हुँदै आएको चितवनको नारायणगढ–मुग्लिन सडक ४ दिनका लागि खुल्ला गरिने भएको छ ।
माघे संक्रान्तिलाई ध्यानमा राखी ४ दिनका लागि खुल्ला गर्न लागिएको नारायणगढ–मुग्लिन सडक आयोजनाका इन्जिनियर शिव खनालले जानकारी दिनुभयो ।
पुष १८ गते देखि सो सडकमा राती १० देखि बिहान ४ बजे सम्म सवारी सञ्चालनमा रोक लगाइएको थियो । सो सडकखण्ड आजदेखि माघ २ गते सम्म रातीको समयमा पनि खुल्ला रहने छ ।
माघे संक्रान्तिमा सो सडक खण्ड हुँदै तिर्थालु देवघाट आउने भएकाले सडक खुल्ला गर्ने निर्णय गरिएको हो । दिउँसोमा पिच निर्माणको काम भएपनि सडक अवरुद्ध नहुने आयोजनाले जनाएको छ ।
आयोजनाका अनुसार अहिले सम्म निर्माणको काम ७१ प्रतिशत सम्पन्न भइसकेको छ ।
यसैब्ीच , सडकमा पहरो खसेर बुटवल–पाल्पा सडकखण्ड अबरुद्ध भएको छ ।
बुटवल र पाल्पको सिमानामा पर्ने तल्लो सिद्धबाबा नजिकै कुहिरे भिरबाट खसेको ठूलो ढुंगाले सडक अबरुद्ध पारेको हो ।
सडक खाली भएको अबस्थामा ढुंगा खसकाले ठूलो क्षति हुन नपाएको प्रहरीले जनाएको छ ।
सडक निकै सांघुरो भएकालेढुंगा नपन्छाएसम्म सडकमा सवारी संचालन गर्न सकिने अबस्था नभएको ईलाका प्रहरी कार्यालय बुटवलले जनाएको छ । अहिले सडक खुलाउने प्रयास भरहेको बताइएको छ ।
