काठमाडौ पुस २८ ।
काठमाण्डौ महानगरपालीकाको उपमेयर हरिप्रभा खड्गीले सडक विभागले आफ्नो जिम्मेवारी पुरा नगर्दा काठमाण्डौका सडकमा धुलो भएको वताउनु भएको छ ।
उपमयेर खड्गीले मेलम्चीको पाइप विस्तारको क्रममा भत्काईएका सडकहरुलाई तत्काल पुननिर्माण नगर्दा उपत्यकाबासीले समस्या भोग्नुपरेको बताउनु भयो ।
नेपाली कांग्रेसको भातृ संगठन नेपाल विद्यार्थी संघका प्रतिनिधीसँगको भेटमा उहाँले सडक विभागलाई आफ्नो जिम्मेवारी पुरा नर्ग आग्रह गर्नुभएको छ ।
यसअघि आज बिहान नेपाल विद्यार्थी संघले धूलो, धुवाँरहित काठमाडौँ निर्माण गर्न माग गर्दै काठमाडौँ महानगरपालिका अगाडि एक घण्टा धर्ना दिएको थियो ।
नेविसंघ काठमाडौँ शाखाको संयोजनमा आज काठमाडौँ महानगरपालिका सुन्धारा अगाडि एक घण्टा धर्ना दिएको हो ।
नेवि संघका उपाध्यक्ष नवीन राईले धूलो र धुवाँ काठमाडौँका जनताको साझा समस्या भएकाले यसलाई हटाउनका लागि नेविसंघले अभियान थालेको बताउनु भयो ।
धर्नासँगै नेवि संघले महानगरपालिका उपप्रमुख हरिप्रभा खड्गीलाई काठमाडौँका विभिन्न भागबाट संकलन गरेर ल्याइएको धूलो र मास्क वितरण गरेका थिए ।
महानगरले बेवास्ता गर्दा दैनिक लाखौँ जनताले धूलो र धुवाँमा हिँड्नुपरेको भन्दै दबाबस्वरुप मास्क र धूलो वितरण गरेका हुन् ।
धूलो र मास्क बुझ्दै उपप्रमुख खड्गीले मेलम्ची खानेपानी काठमाडौँ उपत्यका ल्याउँदा खनिएका खाल्डोका कारण धूलो बढेको भन्दै यसलाई कम गर्न आफूहरुले सरोकारवालासँग छलफल गरिरहेको बताउनु भयो ।
उपप्रमुख खड्गीले धूलोमुक्त काठमाडौँ महानगरपालिकाको प्राथमिकतामा रहेको भन्दै मेलम्चीले खनेका खाल्डोलाई रातारात पुरेर कालोपत्र गर्न निर्देशन दिइसकिएको बताउनु भयो ।
