पाकिस्तानी विदेश मन्त्री ख्वाजा आसीफले अमेरीकाले भारतको भाषामा पाकिस्तान विरुद्ध बोलीरहेको भन्दै चेतावनी दिएका छन् ।
गएराति ट्वीटर मार्फत उनले पाकिस्तानले अमेरीकाको हितका लागि बलिदान गरेको भन्दै आफ्नो देशलाई रगत र बारुदको रंग दिएको पनि बताए ।
ग्वान्टानामो बन्दी गृहको समेत जिकिर गर्दै उनले अमेरीकाले पाकिस्तानलई सहयोगी देश या मित्रको रुपमा पनि नराखेकोमा आश्चर्य व्यक्त गरे ।
जनवरी एक मा अमेरीकी राष्ट्रपति डोनाल्ड ट्रम्पको ट्वीटर र सैन्य सहयोग रोक्काको घोषणा पछि दुवै देशबीच तनाव बढेको छ ।
अमेरीकाले पाकिस्तान विरुद्ध जुनसुकै कार्बाहीको धम्की दिए पछि पाकिस्तानले जनताको चाहना अनुसार जवाफ दिने स्पष्ट पारेको छ ।
अहिले भारत र अमेरीकाले पाकिस्तान विरुद्ध चीनसगँको सम्बन्ध र चीन पाकिस्तान आर्थिक करीडोरले रणनीतिक असर पार्ने भएकाले आक्रमण गरीरहेका छन् ।
