१४ पुस, महोत्तरी ।
अख्तियार दुरुपयोग अनुसन्धान आयोगका प्रमुख आयुक्त दीप बस्न्यातले भ्रष्टाचार विरुद्ध आयोगले चाल्ने हरेक पाइलामा साथ दिन सबैमा आग्रह गर्नुभएको छ ।
अख्तियार दुरुपयोग अनुसन्धान आयोगको कार्यालय बर्दिवासको भवन शिलान्यास कार्ययक्रममा बोल्दै उहाले भ्रष्टाचाररहित नेपालको परिकल्पनालाई साकार पार्नको लागि आयोगको प्रयासमा सबै सरोकारवालाको सद्भाव, सहयोग र सहकार्य सधै आवश्यक रहेको वताउनु भयो।
आयोगको बर्दिवास नगरपालिका ३ स्थित गौरीडाँडामा आयोगको प्रदेश नम्बर २ कार्यालयको प्रशासकीय भवनको एक कार्यक्रमकावीच प्रमुख आयुक्त बस्न्यातले शिलान्यास गर्नुभएको थियो ।
प्रमुुख आयुक्त बस्न्यातले भ्रष्टाचारलाई शुन्यमा र्पुयाउन नसकेपनि यसलाई सबैको प्रयासबाट कमी गराउन सकिने बताउनु भयो ।
आयोगको बर्दिवास नगरपालिका(३ स्थित गौरीडाडामा आयोगको भवन निमार्णको कुल लागत १३ करोड ९० लाख ६४ हजार रहेको र भवन निमार्ण कार्य दुई वर्ष भित्र सम्पन्न हुने लक्ष्य राखिएको अख्तियार दुरुपयोग अनुसन्धान आयोगको कार्यालय बर्दिवासले जनाएको छ ।
