१३ पुस, बुटवल ।
नेकपा (क्रान्तिकारी माओवादी) का महासचिव मोहन वैद्य किरणले सच्चा क्रान्तिकारीलाई गोलवद्ध गरेर जनवादी क्रान्ति गर्ने वताउनु भएको छ ।
प्रदेश नं ५ को प्रशिक्षण कार्यक्रमलाई बुटवलमा उद्घाटन गर्दै उहाले मुलुकमा प्रतिक्रान्तिको अध्याय शुरु भएको दाबी गर्दै आफ्नो पार्टी नयाँ जनवादी क्रान्तिको तयारीमा जुटेको समेत बताउनु भयो ।
महासचिव वैद्यैले विप्लव नेतृत्वको नेपाल कम्युनिष्ट पार्टी , ऋषि कट्टेल नेतृत्वको नेपाल कम्युनिस्ट पार्टी र मोहनविक्रम सिंह नेतृत्वको नेकपा मसालसँग पनि एकताका लागि छलफल भइरहेको बताउनु भएको हो ।
मुलुकमा बनेका दुई वाम तथा लोकतान्त्रिक गठबन्धन जनताका लागि नभएर पश्चगामी संसदीय व्यवस्थालाई संरक्षण गर्न बनेको उहाको आरोप छ । उहाले एमालेसँग माओवादी केन्द्रको एकता नभएर विलय हुन लागेको जिकिर गर्नुभयो ।
चितवनमा सम्पन्न पार्टी केन्द्रीय समितिको बैठकपछि पहिलोपटक प्रदेश नम्बर ५ स्तरीय प्रशिक्षण तथा बैठक बुटवलमा चलिरहेको छ ।
