काठमाडौं, पुस १२ । राष्ट्रिय जनता पार्टीका अध्यक्षमण्डलका नेता राजेन्द्र महतोले संविधान संशोधनबारे एमालेको धारणा माग्नु भएको छ ।
आज काठमाडौंमा आयोजित साक्षात्कार कार्यक्रममा महतोले विगतमा एमाले संविधान संशोधनको विपक्षमा उभिएको भन्दै उहाँले एमालेले आफ्नो धारणा प्रष्ट गर्नुपर्ने वताउनु भयो ।
संविधान संशोधनका लागि आन्दोलन जारी रहने भन्दै उहाँले कोसँग मिलेर सरकार बनाउने भन्ने विषय गौण रहेको बताउनुभयो ।
सरकार निर्माण आफ्नो पार्टीको प्राथमिकतामा नरहेको उहाँको भनाई थियो ।
उहाले संविधान संशोधनको पक्षमा उभिने दललाई सरकार बाहिरै रहेर पनि समर्थन गर्न सकिने धारणा व्यतm गर्नुभएको थियो ।
राजपा नेता महतोले संघीय समाजवादी फोरम नेपालसँग पार्टी एकता गर्ने तहमा छलफल भइरहेको पनि बताउनु भयो ।
महतोले संघीय समाजवादी फोरम र राजपा मिलेर निर्वाचन लडेकाले मधेसमा राम्रो परिणाम आएको भन्दै अब पार्टी एकता नै गरेर मधेसको अधिकार रक्षाका लागि लड्ने बताउनु भयो ।
