११ पुस,काठमाडौं । नेपाल कम्युनिस्ट पार्टीको केन्द्रीय सल्लाहकार समितिका अध्यक्ष ईश्वरी दाहाल ‘असारे काका’ले कम्युनिस्ट पार्टी्भित्र रहेर अवसर खोज्ने र लुट्नेहरुको टाउकामा बम हान्नुपर्ने बेला आएको बताउनु भएको छ ।
१२५औं माओ दिवसको अवसरमा नेकपा जनवर्गीय संगठनहरुले ‘माओ दिवस समारोह समिति’द्वारा आयोजना गरेको कार्यक्रमममा अध्यक्ष असारे काकाले पार्टी्भित्र देखिएका अवसरवादीहरुलाई रोक्न मालेमावादी दर्शनलाई बलियो पकडनुपर्ने बताउनु भयो ।
उहाँले माओले खराब प्रवृत्ति हुर्कन र फैलाउन नदिन हेडक्वार्टरमा बम वर्षाउन पार्टीपंक्तिलाई आह्वान गरेका घटनाको स्मरण गराउनु भयो ।
दलाल पूँजीवादी व्यवस्थालाई परास्त गर्न नेकपाले लिएको एकीकृत जनक्रान्तिको कार्य्दिशा एक मात्र विकल्प रहेको बताउँदै उहाँले नेकपा नेपाली जनताको पार्टी भएको बताउनु भयो ।
पार्टी्भित्र विभिन्न रुपका अवसरवादी र पलायनकारीलाई पन्छाएर पार्टी अगाडि बढ्नुनै माओ दिवसको सान्दर्भिकता कायम रहने बताउनु भयो । कार्यक्रममा जवसका प्रमुखहरुले चीनमा सर्वहारा क्रान्ति सम्पन्न गर्नमा माओको सफल नेतृत्वको चर्चा गरेका थिए ।
