पुस ९
राष्ट्रपति विद्यादेवी भण्डारीले राष्ट्रियसभा सदस्य निर्वाचन अध्यादेशबारे आज संघीय समाजवादी फोरमका शीर्ष नेताहरुसंग परामर्श गर्दै हुनुहुन्छ ।
सरकारले ल्याएको अध्यादेशमा दलीय सहमति पछि मात्रै प्रमाणिकरण गर्ने अडान लिएकी राष्ट्रपति भण्डारीले आज फोरम अध्यक्ष उपेन्द्र यादव सहितका शीर्ष नेताहरुसंग परामर्श गर्न लाग्नुभएको हो । परामर्शका लागि अध्यक्ष यादवसहितका नेतालाई विहान १० वजे शीतल निवास बोलाइएको राष्ट्रपति कार्यलयले जनाएको छ ।
फोरमसँगको परामर्शपछि राष्ट्रिय जनतापार्टी राजपा अध्यक्ष मण्डलका शीर्ष नेताहरुसँग परामर्श गरिनेछ । यसअघि सो अध्यादेशबारे राष्ट्रपति भण्डारीले बाम गठवन्धनका नेताद्धय एमाले अध्यक्ष केपी ओली र माओवादी केन्द्रका अध्यक्ष पुष्पकमल दाहालसँग संयुक्त र कंग्रेस सभापति एवं प्रधानमन्त्री शेरवहादुर देउवासंग छलफल गरिसक्नुभएको छ ।
दलीय सहमति विना अध्यादेश प्रमाणिकरण नगर्ने राष्ट्रपतिको अडानका कारण राजनीतिक गतिरोध लम्बिदै गएको छ ।
