८ पुस, काठमाडौं ।
नेकपा एमालेका सचिव प्रदिप ज्ञवालीले नयाँ सरकारले चीन र भारत दुबै देशसँग घनिष्ट सम्वन्ध राख्ने बताउनु भएको छ ।
आज रिपोटर्स क्लबमा आयोजित साक्षात्कारमा एमाले सचिव ज्ञवालीले अब बन्ने नयाँ सरकारले भारत र चीनसँगको सम्वन्धलाई उच्च प्राथमिकतामा राख्ने बताउनु भएको छ ।
हालै भारतीय प्रधानमन्त्री नरेन्द्र मोदीले एमाले अध्यक्ष केपी शर्मा ओलीलाई फोन गरेर नयाँ सरकारसँँग सहकार्य गर्न इच्छुक रहेको भन्दै उहाले यो भारतको नयाँ नीतिको संकेत भएइको वताउनु भएको छ ।
उहाले चिनियाँ मात्र नभई भारतीय रेल पनि काठमाडौंसम्म आओस् भन्ने चाहेको बताउनु भएको छ । केरुङबाट काठमाडौं, पोखरा हुँदै लुम्बिनीसम्म रेल ल्याउन कुरा भइरहेको भन्दै सचिव ज्ञवालील बरौनीबाट होस् वा रक्सौलबाट होस हाई स्पीडको भारतीय रेल पशुपतिनाथसम्म आओस् भन्न्ो आफनो चाहना रहेको वताउनु भयो ।’
