काठमाण्डौ , ८ पुस ।
विना विभागीयमन्त्री महेन्द्र बहादुर शाहीले कालिकोटमा प्रहरीको गोलि लागेर म्यादी प्रहरी विवेक ऐडीको मृत्यु भएको घटनाप्रति गम्भिर ध्यानाकर्षण भएको बताउनुभएको छ ।
आज बिज्ञप्ती जारी गरी मन्त्री शाहीले ऐडीको मृत्यु र आधा दर्जन जति घाइते भएको घटनाप्रति दुख ब्यक्त गर्दै घटनाको सत्य तथ्य पत्ता लगाई दोषीमाथि कारवाही गर्न माग गर्नुभएको छ ।
साथै, उहाँले मृतक ऐडीको परिवारलाई उचित राहत तथा क्षतिपुर्ति र घाइतेलाई यथासिघ्र उपचारको व्यवस्था गर्न पनि सरकारसँग माग गर्नुभएको छ ।
मृतक ऐडीलाई हार्दिक श्रद्धाञ्जली तथा आफन्तजनमा समवेदना प्रकट गर्दछु । स दुःखद घडीमा सबै पक्ष संयमित भई जिल्लाको शान्ति सुुरक्षालाई थप उतेजित पार्ने स्थिति नहोस् भनी सम्बन्धित पक्षलाई सचेत रहन समेत आग्रह गर्दछु । विज्ञप्तीमा भनिएको छ ।
सान्नी त्रिवेणी, ४ तिकुवाका २१ वर्षीय ऐडीको हिजो (शुक्रवार) कालिकोट जिल्ला सदरमुकाममा प्रहरीको गोलि लागेर मृत्यु भएको हो ।
