५ पुस, काठमाडौं ।
राष्ट्रपति विद्यादेवी भण्डारीले वाम गठवन्धनका दुई शिर्ष नेता लाई राष्ट्रियसभा निर्वाचनसम्बन्धी अध्यादेशमा सहमति जुटाउन सुझाव दिनुभएको छ ।
राष्ट्रपति भण्डारीलाई भेट्न शीतलनिवास पुगेका एमाले अध्यक्ष केपी शर्मा ओली, माओवादी अध्यक्ष प्रचण्डसहितका नेताहरुलाई विवादका विषयमा राजनीतिक सहमति जुटाउन सुझाव दिएको राष्ट्रपतिका प्रेस सल्लाहकार माधव शर्माले जानकारी दिनुभयो ।
आफूले संविधान र कानुनभित्र रहेर काम गर्ने भन्दै उहाले राजनीतिक दलहरुले पनि यसमा सहयोग गर्नुपर्ने बताउनु भयो ।
वाम गठबन्धनका नेताहरूले हालै सम्पन्न प्रतिनिधिसभा तथा प्रदेशसभा निर्वाचनको नतिजा आफ्नो पक्षमा आएको जानकारी राष्ट्रपतिलाई गराएका थिए।
जवाफमा भण्डारीले निर्वाचन जितेकोमा नेताहरुलाई बधाइ दिनुभएको थियो ।
साथै निर्वाचन आयोगले प्रस्ताव गरेको बहुमतीय प्रणालीलाई संसदको राज्य व्यवस्था समितिले सर्वसम्मत अनुमोदन गरेको तर, स्थानीय तह चुनावको परिणामपछि सरकारले राजनीतिक सहमतिविना गलत नियतले संशोधन गरेको दुई दलले आरोप लगाएका छन ।
यस्तै आजै नेकपा एमाले केपि शार्मा ओलि र माओवाद िकेन्द«का अध्यक्ष प्रचण्डले निर्वाचन आयोगका प्रमुख आयुक्त डा.अयोधीप्रसाद यादवसँग छलफल गर्नुभएको छ ।
राष्ट्रपति विद्यादेवी भण्डारीसँग छलफल गरेका दुई अध्यक्षले मध्याह्न १२ बजे निर्वाचन आयोगका प्रमुख आयुक्त डा.यादवलाई लाजिम्पाटस्थित दाहाल निवासमा बोलाई तत्काल निर्वाचन परिणाम पेश गर्न दबाब दिनु भएको छ ।
हालै दुई चरणमा सम्पन्न प्रतिनिधि र प्रदेश सभाको प्रत्यक्षतर्फको परिणाम सार्वजनिक भएको भएपनि समानुपातिकतर्फको परिणाम भने सार्वजनिक गरिएको छैन ।
दुई अध्यक्षसँगको भेटमा प्रमुख आयुक्त डा.यादवले बढीमा एक हप्ताभित्र प्रतिनिधि र प्रदेशसभा दुबैको रिपोर्ट बुझाउने बचन दिनु भएको छ
