काठमाण्डौ , पुस ४ ।
निर्वाचन आयोगले प्रदेश र प्रतिनिधिसभा अन्तर्गत समानुपातिकतर्फ दलहरुले प्राप्त गरेको सिट संख्या टुंगो लगाउने कार्य जारी रहेकाले असहमती तत्काल हल गर्न दलहरुलाई आग्रह गरेको छ ।
केहि समयभित्रै सिट सङख्या टुङग्याएर राष्ट्रपतिलाई प्रतिवेदन बुझाउने तयारी गरिरहेकाले त्यस अघि नै असहमती हल गर्न आयोगले सुझाव दिएको हो ।
प्रतिबेदन निर्माणका लागि प्रक्रियागत कामहरु भईरहेको भन्दै प्रमुख निर्वाचन आयुक्त अयोधीप्रसाद यादवले दलहरुको सिट निर्धारणको काम अन्तिम चरणमा पुगेको बताउनुभयो ।
यादवले संवैधानिक समस्या र राजनीतिक असहमतिहरु तत्काल मिलाउन राजनीतिक दलहरुलाई आग्रह गर्नुभएको छ ।
आज ओखलढुंगा पुग्नुभएका उहाँले अहिले देखिएका राजनितिक बिबादकै कारण आयोगले अन्तिम मतपरिणाम नेपाल सरकार र प्रदेश प्रमुखलाई हस्तान्तरण गर्न नसकेको बताउनुभयो ।
शान्तिपूर्णरुपमा सम्पन्न भएको प्रदेश र प्रतिनिधि सभा सदस्यको निर्वाचनले विश्व नै चकित भएको उहाँको भनाई थियो ।
