४ पुस,झपा । जिल्लाको शैक्षिक संस्थाका संचालक तथा शिक्षकले अाफ्नै छात्रामाथि यौन दुर्व्यवहार गरेको भन्दै अखिल क्रान्तिकारीले कालोमोसो दलेको छ । दमकमा संचालित गायत्री विद्य पिठका शिक्षक तथा संचालक गणेश प्रधानलाई मंगलबार अखिल क्रान्तिकारीले कालोमोसो दलेको हो ।
नेपाल कम्युनिस्ट पार्टी निकट अखिल क्रान्तिकारीले शैक्षिक संस्थाभित्र अनैतिक र अराजक कार्य गरेको भन्दै कालोमोसो दलेको अखिल क्रान्तिकारी झापाले जनाएको छ । अखिल क्रान्तिकारीले जारी गरेको विज्ञप्तिअनुसार झापा दमकको गायत्री बिद्या पीठमा अध्यनरत १४ वर्षीय कुसम निरौलामाथि शिक्षक प्रधानले अभद्र व्यवहार गर्नुको साथै मानसिक तथा शारिरिक यातना दिएका छन् । बालिकालाई शिक्षकले चरम शारीरिक यातना थिएका छन् ।
बालिकामाथि पटप पटक दुर्व्यवहार गर्नुको साथै मानिसक र शारीरिक यातना दिएका कारण चेतावनी स्वरुप कालोमोसो दलेको अखिल क्रान्तिकारीले जनाएको छ ।
उक्त घटनाको बारेमा पीडित परिवारले दमकमा पत्रकार सम्मेलन गरेर घटनाको बिषयमा जानकारी गराएको थियो । यसअघि पनि बालिकामाथि पटक पटक दुर्व्यवहार हुँदै अाएको तर स्कूल प्रशासनले घटनालाई गोप्य राखेको थियो ।
