४ पुस,भोजपुर । पछिल्लो समय पुरुष पनि बलात्कार हुने गरेको घटनाहरु सार्वजनिक हुनेगरेको छ । तर यस्तो घटना बिरलै हुन्छ ।
भोजपुर जिल्लामा पुरुषबाट पुरुष नै बलात्कृत भएको रहस्य खुलेको छ । त्यो पनि प्रहरी निरीक्षकले म्यादी प्रहरीका पुरुष जवानलाई बलात्कार गरेको खुलासा भएको हो ।
भोजपुरको दक्षिणी क्षेत्रमा पर्ने रामप्रसाद राई गाउँपालिकास्थित मानेभन्ज्याङ्ग प्रहरी चौकी इन्चार्ज प्रहरी नायव निरीक्षक राबहादुर यादवले पुरुष म्यादी प्रहरीलाई बलात्कार गरेका हुन् ।
ड्युटीमा रहेको म्यादी प्रहरीलाई ४७ वर्षीय यादवले गत मंसिर २१ गते राति बलात्कार गरेको बताइएको छ । पीडितका अनुसार बाथरुममा बम राखेको हुन्छ भन्दै तर्साएर बलात्कार गरेका थिए । यादवले ती म्यादी प्रहरीलाई बाथरुममा लगेर बलात्कार गरेको खुलेसँगै हंगामा मच्चियोको छ ।
जिल्ला प्रहरी कार्यालय भोजपुरले यादवलाई जिल्लामा झिकाइएको जनाएको छ । उनीमाथि आवश्याक कारवाहीका लागि प्रक्रिया बढाइएको डिएसपी दिपेन्द्र पन्जियार थारुले बताए । विभागीय कारवाही हुने बताउँदै यस्तो कुरालाई समाचार नबनाउन थारुले आग्रह गरेका थिए ।
