वीराटनगर , २८ मंसिर ।
जिल्ला अदालत मोरङको आदेशपछि भाइबरमार्फत चिठ्ठा परेको भनि झुक्याएर रकम ठगी गर्ने कार्यमा संलग्न ६ जनालाई जिल्ला कारागार चलान गरिएको छ ।
पुर्पक्षको लागि थुनामा राख्न आदेश दिएपछि ठगी कार्यमा संलग्न अनुपचन्द सेठिया, ललित सेठियाँ, पंकजकुमार कर्ण, बलराम विश्वास, श्रवणकुमार शाह र शनिदेवल विश्वासलाई कारागार चलान गरिएको मोरङका प्रहरी प्रमुख प्रहरी उपरीक्षक अरुण विसीले बताउनु भयो ।
जिल्ला अदालतले पुर्पक्षका लागि थुनामा राख्न आदेश दिएका मध्ये ४ जनालाई सम्पत्ति शुद्धिकरणको मुद्दा दर्ता गरिने भएको छ ।
जिल्ला प्रहरी कार्यालय मोरङका प्रहरी उपरिक्षक विसीका अनु्सार ठगी कार्यमा बरामद गरिएको पैसाको स्रोत नखुलेपछि विराटनगरस्थित सेठिया मार्केटका सञ्चालक अनुपचन्द सेठिया, उनका भतिजा ललित सेठिया, विराटनगर–१३ का बिमल चिरानिया र भारतका पंकज कर्णलाई सम्पति शुद्धीकरणको मुद्दा दर्ता गरिने भएको हो ।
