सरकारले चरणवद्ध रुपमा गर्दै गएका निर्णयहरुमा चुनावबाट ठूलो पार्टी बनेको एमालेले सार्वजनिक विरोध जनाइरहेको छ ।
विभिन्न नियुक्तिदेखि अब हुन लागेको प्रदेश प्रमुखको नियुक्ति नगर्न एमालेले काग्रेस सरकारलाई चेतावनी दिएको छ ।
तर काग्रेस सभापति तथा प्रधानमन्त्री शेर बहादुर देउवा प्रदेश प्रमुख सहित केही महत्वपूर्ण निर्णयहरु गरेर सरकार छाड्ने मनस्थितिमा पुग्नु भएको छ ।
अब परिस्थितिमा कुनै फेर बदल नआए काग्रेसका लागि ५ वर्ष सत्ता र सबै जसो नियुक्तिहरु भन्दा बाहिरै बस्नु पर्ने हुन्छ । त्यसैले प्रदेश प्रमुख सहित केही दीर्घकालीन महत्व राख्ने निर्णय गरेर बाहिरीने दिशामा काग्रेस लागे पनि एमालेले त्यसमा विरोध जनाईरहेको छ ।
एमाले अब आफ्नो सरकारले सबै निर्णय गर्दै आफ्नो शक्ति र सत्तालाई सुदृढ गर्न चाहन्छ । एमालेले सरकार एक्लैले प्रदेश प्रमुख नियुक्त गरे आफ्नो सरकारले हटाउने भन्दै चेतावनी प्रधानमन्त्री देउवा समक्ष पुर्याईरहेको स्रोतले जनाएको छ ।
