२२ मंसिर,काठमाडौं । माओवादी केन्द्रका अध्यक्ष प्रचण्डलाई विक्रम पाण्डले पछि पारेका छन् । सुरुवाती चरणमा अग्रता लिएका प्रचण्ड दोस्रो परिणाम अाउने बेलासम्म पछी परेका हुन् ।
चितवन निर्वाचन क्षेत्र नम्बर ३ को मतगणनाको पछिल्लो परिणामअनुसार पाण्डले ४४७ भोट पाउँदा प्रचण्ड ३०२ मै सिमित भएका छन् ।
राप्रपा प्रजातान्त्रिककका नेता विक्रम पाण्डेले प्रचण्डलाई १४५ मतले पछि पारेका छन् ।
चितवनका तीन वटै निर्वाचन क्षेत्रको मतगणना भइरहेको छ ।
देशभरमा माओवादी केन्द्रले राम्रो अग्रता लिइरहेको बेला चितवनमा भने अध्यक्ष नै पछी परेका छन् तर यो हजार मत पनि नगनेको अवस्थाको हो ।
नेकपा एमालेको साथ पाएका प्रचण्डलाई पाण्डेले सजिलै हराउन कठिन हुने नै देखिन्छ ।मतगण्ना स्थलमा रहेका माओवाद्यीका कार्यकर्ता भने अहिले केहि प्रतिशत मत गन्दा पाण्डेको अग्रता आयो भन्दैमा खुसि नहुन सुझाव दिन्छन् । प्रचण्डलाई हराउने सपना नदेख्न उनीहरुको आग्रह छ ।
