हुम्लामा प्रतिनिधि सभा सदस्यमा बागी उम्मेदवारी दिनुभएक माओवादी केन्द्रका छक्कबहादुर लामा विजयी हुनुभएको छ ।

लामाले ८ हजार ४९१ मत प्राप्त गरी विजयी हुनुभएको हो । उहाँका निकटतम प्रतिद्वन्द्वी नेपाली काँग्रेसका मंगलबहादुर शाहीले ८ हजार ४४४ मत प्राप्त गर्नु भएको छ ।

माओवादी केन्द्रका आधिकारिक उम्मेदवार छिमी दोर्जे लामा तेस्रो हुनुभएके छ ।

बागी उम्मेदवारी दिएको भन्दै माकेले लामालाई पार्टीको साधारण सदस्यबाट निष्काशन गरेको थियो ।

यस्तै, प्रदेश ‘क’ मा वाम गठबन्धनका तर्फबाट एमालेका दलबहादुर रावल विजयी हुनुभएको छ । उहाँका निकटतम प्रतिद्वन्द्वी काँग्रेसका थानबहादुर रोकायाले चार हजार ८११ मत प्राप्त गर्नुभयो । अहिले प्रदेश ‘ख’ को मत गणना शुरु भएको मुख्य निर्वाचन अधिकृत मोहनीप्रसाद पौडेलले जानकारी दिनुभयो ।