२१ मंसिर,काठमाडौँ ।
नेपाल कम्युनिस्ट पार्टीका पोलिट्ब्यूरो सदस्य ओमप्रकाश पुनले संचारमाध्यममा चुनावको क्रममा भएका बम विस्फोटको जिम्मा लिएको भन्दै आएको समाचार भ्रमपूर्ण रहेको बताउनु भएको छ ।
नेता पुनले पार्टीको आधिकारिक कुरा महासचिव विप्लवबाटै आउँने भन्दै एक अनलाईनसँग सामान्य अनौपचारिक रुपमा मात्रै कुरा भएको तर बिस्फोटको जिम्मा लिएको भनेर आफुलाई जोडि समाचार आएकोप्रति आप्पती जनाउनु भएको छ ।
कुराकानीको क्रममा पार्टीले चुनाव खारेज अभियानको नेतृत्व गरेको र त्यसबारे पार्टीले आधिकारिक भनाई सार्वजनिक गर्ने बताएको तर आफ्नो र पार्टीबारे जनतामा भ्रम फैलाउने नियतका साथ समाचार आएको नेता पुनले बताउनु भयो ।
नेता पुनले मिर्मिरे अनलाईनसँग कुरा गर्दै भन्नुभयो “मैले जिम्मा लिएको भनेर जसरी कुरा आएको छ, त्यो होइन । मेरो बद्नाम गर्ने उद्देश्यले समाचार आएको छ, यसप्रति मेरो ध्यानाकर्षण भएको छ”
उहाँले आफूले कुनै पनि कुराको जिम्मा नलिएको समेत बताउनु भयो ।
नेता पुनले जनतामा भ्रम पर्ने गरी समाचार लेखिएको भन्दै यसबारे प्रेस विज्ञप्तिमार्फत खण्डन लेख्दै गरेको जानकारी समेत दिनुभयो ।
