ललितपुर २० मंसिर ।
ललितपुर महानगरपालीका भित्रका बिभिन्न स्थानमा बम फेला पर्नुका साथै बम बिस्फोट भएको छ ।
आज ललितपुरको लेले टिकाभैरब मतदान केन्द्रमा बम बिस्फोट भएको छ । ठुलो आवाजमा बिहान ५ बजे तीर बम बिस्फोट भएपछि स्थानीय त्रसित बनेका थिए ।बिस्फोटबाट कुनै मानविय क्षती नभएको प्रहरीले जनाएको छ ।
यस्तै ललितपुरकै गोदावारी नगरपालीका ११ , बज्रबाराहि मतदान केन्द्रमा बम फेला परेको छ । उक्त बमलाई नेपाली सेनाको बम डिस्पोजल टोलिले डिस्पोज गरेको थियो ।
गोदावारीकै टौखेल र झरुवारासिमा पनि आजै बम फेला परेको जनाईएको छ । बम देखेपछि स्थानीयले प्रहरीलाई खबर गरेका थिए । लगत्तै आएको सेनाको डिस्पोजल टोलीले बम निस्कृय पारेको जनाईएको छ ।
अहिले सो क्षेत्रहरुमा ब्यापक मात्रामा सुरक्षाकर्मी परिचालन गरिएको छ भने सुरक्षा ब्यावस्था कडा पारिएको प्रहरीले जनाएको छ ।
बम कस्ले र किन राख्यो भन्नेबारे जानकारी हुन नसकेको र अनुसन्धिान भईरहेको जनाईएको छ ।
