काठमाडौं,मंसिर १८ ।
काठमाण्डौको नारायणस्थानस्थित चपली हाइटमा बम बिष्फोटन हुँदा पूर्व मन्त्री तथा काग्रेस उम्मेदवार गगन थापा सहित १० जना घाईते भएका छन् ।
काठमाडौं – ४ का कांग्रेस उम्मेदवार रहेका थापालाई लक्षीत गरेर अज्ञात समुहले राखेको बम बिस्फोट हुँदा सहित १० जना घाइते भएका हुन् ।
घाइतेहरुलाई महाराजगञ्जस्थित शिक्षण अस्पतालमा उपचारका लागि भर्ना गरिएको छ । त्यस मध्ये दुई जनाको अवस्था गम्भीर रहेको चिकित्सकले जनाएको छ ।
शिक्षण अस्पतालका आकस्मिक विभाग प्रमुख प्रा. डा. प्रतापनारायण प्रसादका अनुसार गगन थापालगायत १० जना घाइतेलाई इमर्जेन्सीमा भर्ना गरिएको छ । थापाको पिठ्युमा सामान्य चोट लागेको र एक्सरेलगायतका परीक्षण गरिएको उहाँले बताउनु भयो ।
घाइते मध्ये दुई जनलाई गम्भीर र आठ जनालाई सामान्य चोट लागेको जानकारी दिदैँ डा. प्रसादले भन्नुभयो , ’उहाँहरुलाई ब्लाष्ट यञ्जुरी नै हो ।’
थापाका सहयोगी प्रताप पौडेलका अनुसार गम्भीर घाइते दुई जना मध्ये एक जना श्याम कृष्ण श्रेष्ठ रहे पनि अर्को एकजनाको पहिचान खुल्न सकेको छैन ।
नेपाल प्रहरी काठमाडौं परिषरका प्रमुख एसएसपी राजेन्द्र धानुकले गगन थापालाई बमको छर्रा लागेको जनाकारी दिनुभयो ।
