काठमाडौ १८ मंसिर ।
कैलालीको धनगढीमा प्रधानमन्त्री शेरबहादुर देउवा बसेको होटल नजिकै प्रेशर कुकर बम फेला परेको छ ।
धनगढी उपमहानगरपालिका–५ तारानागरस्थित सुकुटी नालामा बनेको पक्की पुल छेउमा फेला परेको उक्त बमलाई नेपाली सेनाको टोलीले निष्कृय पारेको छ ।
घर बनाउन बोरामा राखिएको बालुवामा प्रेसर कुकर बम फेला परेको जिल्ला प्रहरी कार्यालयका प्रहरी उपरीक्षक विनोद घिमिरेले जानकारी दिनुभयो ।
निर्माणाधीन घर छेउ बोरामा राखेको बालुवामा शंकास्पद बस्तु फेला परेपछि स्थानीयले प्रहरीलाई खबर गरेका थिए ।
विगत ३ दिनदेखि धनगढीमा रहनुभएक प्रधानमन्त्री देउवा दिनभरी चुनावी सभालाई सम्बोधन गर्न सुदूरपश्चिमका विभिन्न जिल्ला पुग्ने र बास बस्न धनगढी नै आउने गर्नुभएको छ ।
घटनापछि सो क्षेत्रको सुरक्षा व्यवस्था कडा पारिएको प्रहरीले जनाएको छ ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
