काठमाडौं ,मंसिर १७ ।
निर्माण व्यवसायी शरदकुमार गौचन हत्याका प्रमुख योजनाकार समिरमान सिंह बस्नेतलाई प्रहरीले पक्राउ गरेको छ ।

नेपाल प्रहरीको केन्द्रीय अनुसन्धान ब्यूरो(सिआइबी)को टोलीले बस्नेतलाई भारतबाट पक्राउ गरेको हो ।

काठमाडौं महानगरपालिका १३ वाफल स्थायी घर भएका २८ वर्षीय समीर मानसिंह बस्नेतलाई सीआईबीले आज नै सार्वजनिक गरेको छ । बस्नेत भूपु प्रहरीका छोरा हुन् । उनी लामो समयदेखि गैरकानुनी गतिविधिमा संलग्न हुँदै आएको प्रहरी अनुसन्धानबाट खुलेको छ ।

बस्नेतले विरगञ्ज देखि विराटनगर जोड्ने हुलाकी मार्गको ढेक्का कमिसन वापत दुई प्रतिशत माग गरेको रकममा गौचनले वेवास्था गरेको कारण हत्या गरेको प्रहरीले जनाएको छ ।

गजुरमुखी कन्स्ट्रक्सनका मुख्य लगानीकर्ता मृतक कुमार घैटेमार्फत २ करोड ५० लाख समेत डाँफे कन्स्ट्रक्सनको शेयर रकम बापत गौचनसँग लिई सकेको प्रहरीले जनाएको छ ।

उक्त रकममा १ करोड बस्न्यातको भएको र घैटेको मुत्युपछि उक्त रकम फिर्ता गर्न भनेपछि बस्न्यात र गौचनको विवाद उत्कर्षमा पुगेको समेत जनाएको छ ।

निर्माण व्यवसायी महासंघका तत्कालीन अध्यक्ष गौचनको गत असोज २३ गते राजधानीको शान्तिनगरस्थित खरिबोट नजिक गोली हानी हत्या भएको थियो ।
हाल उक्त हत्या काण्डमा बस्न्यात सहित ८ जना पक्राउ परिसकेको छ भने ७ जना अझै फरार रहेको छ । प्रहरीले यसअघि गौचनको हत्यामा संलग्न सुटरसहित सात जना पक्राउ गरेको थियो ।

प्रहरीले दिएका चार प्रमुख कारण यस्ता छन् :

कारण नम्बर १

प्रारम्भिक अनुसन्धानको क्रममा शरद कुमार गौचनले संचालन गर्दै आएको डाँफे कन्स्ट्रक्सनमा सेयर दिने भनी गजुरमुखि कन्स्ट्रक्सनका मुख्य लगानीकर्ता कुमार श्रेष्ठ (घैटै) मार्फत् रु २ करोड ५० लाख लिएको