काठमाडौं, १२ मंसिर ।
आन्तरिक राजस्व विभागका तत्कालीन महानिर्देशक चुडामणि शर्मा रु १ करोड रुपैयाँ बैंक ग्यारेन्टी राख्दै तारेखमा छुटेका छन् ।
विशेष अदालतले शर्मासँग १ करोड रुपैयाँ धरौटी मागेको थियो। थुनछेक बयानका लागि निलम्बित महानिर्देशक शर्माले आज विशेष अदालतमा उपस्थित भएर बयान दिएका थिए ।
शर्माले अदालतले जमानी मागेको एक करोड रुपैयाँ नेपाल इन्भेस्टमेन्ट बैंकबाट ग्यारेन्टी गराएका छन् ।
गत जेठ १९ गते शर्मालाई अख्तियार दुरुपयोग अनुसन्धान आयोगले पक्राउ गरेको थियो। अख्तियारले गैर कानुनी रुपमा आफूलाई नियन्त्रणमा लिएको भन्दै शर्माले बन्दी प्रत्यक्षीकरण निवेदन लिएर उनी सर्वोच्च पुगेका थिए। शर्मा पत्नीका तर्फबाट निवेदन दर्ता भएको थियो। निवेदनमा कर फर्छ्यौट आयोगलाई कानुनी उन्मुक्ति भएको जिकिरसहित मुद्दाको औचित्य नभएको दावी गरिएको थियो।
सुरुमा सर्वोच्चले कर फर्छ्यौट अख्तियारको क्षेत्राधिकारमा भएरनभएको भन्दै पूर्ण इजलासमा सुनुवाइका लागि पेश गर्योा। तर, सर्वोच्चले अन्तिम फैसलामा उक्त प्रश्न निरुपणको जिम्मा विशेष अदालतकै जिम्मामा छाडेको थियो।
