१० मंसिर,काठमाडौँ । कालिकोट जिल्लाको निर्वाचन कार्यालयका एक कर्मचारीले नेपाल कम्युनिस्ट पार्टीको बलियो क्षेत्रमा घटना घट्नु सामान्य भएको बताए । उनले झडपका घटनाको समाचार लेख्न नलेख्न चेतावनी समेत दिएका छन् ।
इमान्दार मिडियाको समाचारलाई लिएर आफुलाई मुख्य निर्वाचन कार्यालयको कर्मचारी बताउने खगेन्द्र थापाले चेतावनी दिएका हुन् । उनले नेपाल कम्युनिस्ट पार्टीको पकड क्षेत्र भएकाले कालिकोटमा घटना खट्नु सामान्य भएको बताउँदै समाचार लेख्न नहुने बताए ।
“विप्लवको एरिया हो केही घटना त भइहाल्छन् तर लेख्नु भएन । निर्वाचन शान्तिपूर्ण रुपमा भएको समाचार लेख्नुपर्छ” थापाले भने । उनले आफूले सुरुमा दिएको परिचय समेत फेर्दै जिल्ला प्रशासन कार्यालयको कर्मचारी भएको बताए ।
शनिबार राति ९ बजे जिल्लाको सान्नी त्रिवेणी गाउपालिकाका वडा नं. ७ को वडा कार्यलयमा रहेको मतदान स्थलमा बम प्रहार हुदाँ प्रहरी नायब निरीक्षक (सई) गिरिराज भण्डारी र प्रहरी जवान राम बहादुर चौधरी गम्भीर घाइते भएका थिए ।
