कालिकाेट , ९ मंसिर ।
पहिलो चरणमा भोली हुने प्रतिनिधसभा र प्रदेशसभा निर्वाचनको सामाग्री लिएर गएको सरकारी टोलिलाई स्थानीयबासिन्दाले लाखेटेपछि कालिकोटको अबस्था तनाबग्रस्त भएको छ ।
कालिकोटको पलाता गाउँपालिकाको डाफे मतदान केन्द्रमा जाँदै गरेको निर्वाचन सामाग्रीसहितको सरकारी टोलीलाई स्थानीयले ढुंगामुडा गरेर लखेटेका छन् ।
स्थानीय जनताले टोलीलाई लखेटेर निर्वाचन सामाग्री कब्जा गरेको सुचना पाउनासाथ सदरमुकाम मान्म खाडाचक्रबाट गएको सेनाको हेलिकप्टरले अहिले उक्त क्षेत्रमा फायरीङ गरेको छ ।
सेनाले हेलिकप्टरबाट गोली चलाउन थालेपछि सर्वसाधारण त्रसित बनेका छन् ।सेनाको हवाई गस्ती र फायरिङका कारण स्थानीय सर्बसाधारण घरबाहिर निस्किन सकेका छैनन् ।
हवाई गस्ती गरिरहेको सेनाको हेलिकप्टरले अहिलेसम्म २ दर्जन भन्दा बढी गोली प्रहार गरेको छ भने जंगल क्षेत्रमा बम समेत प्रहार गरेको बताइएको छ ।
गएको स्थानीय तह निर्वाचनमा मालकोटकै मालकोटका जनताले पुरै बुथ कब्जा गरेर मतपेटिका जलाउँदा भएको दोहोरो भिडन्तमा परी एक जनाको ज्यान जानुका साथै दर्जन बढी घाइते भएका थिए ।
