९ मंसीर, ताप्लेजुङ ।
ताप्लेजुङ सदरमुकाम फुङलिङ स्थित मतदान केन्द्रमा शक्तिशाली बम विष्फोट भएको छ ।
आज दिउँसो साढे १ बजे भानु जन मावि मतदान केन्द्रमा बम विष्फोट भएको हो । आईतबार मतदानको लागि ब्यवस्थापनको काम गरि सकिएको अवस्थामा उक्त बम विष्फोट भएको हो ।
बिष्फोट गरिएको १० मीटर छेउमा मतदान अधिकृत कुबेर नेपाली सहितको कर्मचारीले मतदाता परिचय पत्र वितरण गरिरहेका थिए । निर्वाचन अधिकृत नेपालीले थप सुरक्षाको व्यवस्था नभए, निर्वाचन गर्न नसकिने छोटो प्रतिकृया पत्रकारलाई दिएका छन् ।
बिष्फोट भएको स्थानमा १ मीटर वरिपरि र ठुलो खाल्डो परेको छ । बिष्फोटबाट मानवीय क्षति भएको छैन ।
जिल्लामा सुरक्षाको अवस्था कडा बनाईएको प्रमुख जिल्ला अधिकारी मोहन जीसीले भनिरहँदा उक्त विष्फोट भएको थियो । बम विष्फोट पछि उक्त मतदान केन्द्रलाई सुरक्षाकर्मीले घेरा हालेर अनुसन्धान गरिरहेको छ ।
