काठमांडौ मंसिर ६ ।
चुनावि खारेजि अभियानमा रहेको नेपाल कम्युनिष्ट पार्टि कार्यकर्तालाई प्रहरीले गिरफ्तार गर्ने क्रम बढेको छ ।
विभिन्न स्थानवाट पार्टिका नेता कार्यकर्ता , सुभचिन्तकहरुमाथि राजनैतिक आस्थाकै आधारमा अहिलेसम्म सयौ लाई गिरफ्तार गरिरहेको छ । अर्को तर्फ समाचार लेखेकै भरमा संचारकर्मिहरुलाई पनि गिरफ्तार गरेको छ । अहिलेसम्म ८ जना पत्रकारलाई प्रहरीले गिरफ्तार गरिसकेको छ ।
यसैक्रममा ईलामबाट नेकपका चारजना कार्यकर्तालाई प्रहरीले गिरफ्तार गरेको छ ।
इलाम नगरपालिका–५ भोर्लेनीकी मुना भनिने वसुन्धरा कार्की, वडा नं–११ सोयाकका सञ्जिव फागो, वडा नं –१ साँखेजुङका विशाल राई र देउमाई नगरपालिका–८ जितपुरका मोहन बराललाई गिरफ्तार गरेको प्रहरीले जानकारी दिएको छ ।
एक साताको बीचमा विभिन्न ठाउवाट उनीहरूलाई पक्राउ गरेको प्रहरी नायब उपरीक्षक रमेश बस्नेतले जानकारी दिनुभएको छ ।
यस्तै रसुवाबाट प्रहरीले नेपाल कम्युनिष्ट पार्टीका जिल्ला ईन्चार्ज गिरफ्तार गरेको छ । कालिका गाउँपालिका–३ बाट लेखनाथ लामिछानेलाई कालिकास्थानबाट गिरफ्तार गरेको हो ।
