६ मंसिर,काठमाडौं । प्रहरीले सरला रेग्मीलाई गिरफ्तार गरेको छ । बिरामी कारण तत्कालिन नेकपा (माओवादी)को केन्द्रीय सदस्यबाट राजिनामा दिएर बसेकी रेग्मीलाई मंगलबार काठमाडौंबाट गिरफ्तार गरेको हो ।
माओवादी विभाजनसँगै वैद्य नेतृत्वको माओवादीतिर लागेकी रेग्मी पुनः वैद्य र विप्लवबीचको विभाजनपछि राजिनामा दिएर बसेकी थिइन् । वैद्य माओवादीमा पोलिट्ब्यूरो सदस्य रहेकी रेग्मी तत्कालिन विप्लवले नेतृत्व गरेको माओवादीको दाङमा सम्पन्न पहिलो राष्ट्रिय भेलाबाट राजिनामा दिएकी थिइन् ।
जनयुद्धमा पश्चिम नेपालमाका विभिन्न मोर्चाको नेतृत्व गरेकी रेग्मी हाल मानव अधिकारीवादी संगठनसँग अावद्ध छन् ।
विप्लवले अाफ्नो नेतृत्वमा पार्टी बनाएको पहिलो भेलाबाटै राजिनामा दिइसकेकी रेग्मीलाई केन्द्रीय सदस्य भन्दै प्रहरीले गिरफ्तार गरेको हो ।
रेग्मी मधुमेह, सुगरबाट पीडित छन् ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
