बैतडी, मंसिर ५।
नेपाल कम्यूनिष्ट पार्टीका बैतडी इन्चार्ज बासुदेव जोशीलाई प्रहरीले गिरफ्तार गरेको छ । बुवाको किरीया बसेका जोसीलाई माथिको आदेश भन्दै प्रहरीले गिरफ्तार गरेको हो ।
बुवाको निधन भएको ११ दिनको काममा बसेका जोशीलाई विना कारण माथिको आदेश भन्दै सिमार प्रहरीले नियन्त्रणमा लिएको प्रति नेकपाले आपत्ति जनाएको छ ।
कुनै नराम्रो गतिबिधिमा संलग्न नरहेका जोशीलाई किरिया बसिरहेका बेला उनकै घर डिलाशैनी गाउँपालिका ३ रुद्रेश्वर बाटै पक्राउ गरेको भन्दै नेकपाले आपत्ति जनाएको हो ।
प्रहरीले भने किरिया सकिसकेको र शंकास्पद ब्यक्ति भएकाले पक्राउ गरेको जनाएको छ । नेकपाले जोशीको गिरफ्तारीको भत्सर्ना गर्दै उनलाई विना सर्त तत्काल रिहाइ गर्न माग गरेको छ ।
बुवाको किरीया बसिरहेका जोशीलाई यस्तो दुखत घडीमा पनि पक्राउ गरेको भन्दै नेकपाले उनलाई तत्काल रिहाई नगरे कडा संघर्षको घोषणा गर्ने चेतावनी समेत दिएको छ ।
