३ मंसिर ,चितवन ।
नेपाल कम्युनिस्ट पार्टी (नेकपा)का चितवन जिल्ला ईन्चार्ज लालबहादुर बिसीलाई प्रहरीले गिरफ्तार गरेको छ ।
बिसीलाई भरतपुर महानगरपालिकाको कटहर चोकबाट केहीबेर अघि मात्र गिरफ्तार गरिएको हो । सोे कुराको पुष्टि चितवन प्रहरीले गरेको छ ।
चुनाव बिथोल्ने गतिविधिमा लागेको आशंकामा पक्राऊ गरेको चितवन जिल्ला प्रहरी कार्यालयका प्रहरी नायब उपरीक्षक (डीएसपी) प्रभु ढाकालले मिर्मिरे अनलाईनलाई बताए ।
‘चुनाव बिथोल्ने गतिविधिमा लागेको आशंकामा बिसीलाई पक्राउ गरेका ‘चुनाव बिथोल्ने गतिविधिमा लागेको आशंकामा बिसीलाई पक्राउ गरेका हौं । उहाँको साथबाट चुनावविरोधीसम्बन्धी केही कागजात पनि फेला परेको छ’ डीएसपी ढकालले भने । थप अनुसन्धान भएको पनि उनले बताए ।
चुनाव खारेज अभियान चलाइरहेका नेकपाका नेताकार्यकर्तालाई प्रहरीले देशभर गिरफ्तार कार्यलाई तीव्रता दिइरहेको छ । आइतबार दिउँसो १ बजे गिरफ्तार गरिएका बिसीलाई अहिले जिल्ला प्रहरी कार्यालय भरतपुरमा राखिएको ढकालले बताए ।
बीसीको गिरफ्तारीको भत्सर्ना गर्दै बिनासर्त इन्चार्ज बीसीलाई तत्काल रिहाई गर्न नेकपा चितवनले माग गरेको छ । रिहाई नगरे कडा संघर्षको घोषणा गर्ने चेतावनी नेकपा चितवनले जनाएको छ ।
चुनाव खारेज अभियानलाई जनताको साथमा अगाडि बढाइरहेको पनि उसले जनायो । उसका अनुसार बिसीलाई नारायणगढबाट गिरफ्तार गरेको जनाएको छ ।
