काठमाडौं, ३ मंसिर ।
माओवाद्यी अध्यक्ष पुष्पकमल दाहालका छोरा प्रकाशको मृत्यु अस्पताल ल्याउनु अगावै भईसकेको उनी निटकले जनाएका छन् ।
थापाथलीस्थित नर्भिक अस्पताल ल्याउँदा प्रकाशको चेत थिएन र शरिर पनि चिसो भईसकेको थियो । राति आमा सीताले जाउलो खुवाएर कोठामा छाडी सुत्न गएकी थिइन् । बिहान उठेर बोलाउँदा नबोलेपछि प्रकाश उठाउन गएकी उनले शरिर चिसो रहेको थाहाँपाएपछि तत्काल अस्पताल पुर्याइएको थियो ।
प्रकाश तीन दिनदेखि लाजिम्पाटमा आमासँगै बस्दै आएका थिए। शारीरिक रुपमा अस्वस्थ भएपछि बाबु पुष्पकमल दाहाललाई छाडेर उनी काठमाडौं फर्किएका थिए। अस्पतालमा पुगेका एक प्रहरी अधिकृतका अनुसार प्रकाशको नाकबाट हल्का रगत बगेको थियो।‘ अस्पतालले ब्रेन हेम्म्रेज हो वा हृदयघातबाट मृत्यु भएको हो नखुलाइसकेकाले मृत्युको कारण यही हो भन्ने अवस्था छैन अस्पतालले भन्यो।
प्रकाश शनिबार राति आठ बजेसम्म पनि साथीहरुसँग सम्पर्कमा रहेको पारिवारिक स्रोतले जनाएको छ । एक आफन्तले भने,‘ हिजो राति पनि फोनमा कुरा भएको थियो, स्वास्थ्य ठीक छैन भन्दै गुनासो गरिरहेका थिए ।’
आर्थिक अवस्था बलियो भएपनि प्रकाशले स्वास्थ्यमा हेलचक्राई गरेको अस्पतालमा उपस्थित माओवादी नेताहरुको चर्चा थियो ।
सम्पतिको कुनै कमि नभएकोले नियमित स्वास्थ्य जाच गराउन चिकित्सक राखेको भए हुने अस्पतालमा आएका माओवादी कार्यकर्ताहरुबीच गाइँगुर्इँ सुनिथ्यो।
