काठमाडौं २७ कात्तिक ।
सरकारले बुढीगण्डकी जलविद्युत आयोजना निर्माणको जिम्मा चिनियाँ कम्पनीलाई दिने निर्णय खारेज गरेको छ ।
सरकारले गत जेठमा उक्त जलविद्युत आयोजना निर्माणको जिम्मा चिनियाँ कम्पनी ‘चाइना गेजुवा वाटर एन्ड पावर ग्रुप कम्पनी लिमिटेड’ (सीजीजीसी) लाई दिइएको थियो । आज विहान बसेको मन्त्रिपरिषद बैठकले गेजुवासँगको सम्झौता खारेज गरेको हो ।
संसदीय समितिहरुको निर्देशन बमोजिम मन्त्रिपरिषदको बैठकले बुढी गण्डकी निर्माण सम्बन्धी यसअघिको सम्झौता खारेज गरेको उपप्रधानमन्त्री कमल थापाले जानकारी दिनुभयो ।
अनियमित र हचुवा ढंगले गेजुवा ग्रुपसँग गरिएको बुढी गण्डकी जलविद्युत आयोजनाको सम्झौता संसदीय समितिहरुको निर्देशन बमोजिम आज बसेको मन्त्रिपरिषद बैठकले खारेज गरेको छ उपप्रधानमन्त्री थापाले ट्वीट गर्दै जानकारी दिनुभएको हो ।
बुढीगण्डकी आयोजना चिनियाँ कम्पनीलाई दिने निर्णयको नयाँशक्ति पार्टी नेपालका संयोजक डा. बाबुराम भट्टराईले पनि विरोध गर्दै आएका छन् ।
