काठमाण्डौ , २२ कार्तिक ।
नेपाल कम्युनिष्ट पार्टीले वाम गठबन्धनका उमेदवारको घरमा कालो झण्डा गाडेको छ । प्रदेशसभा तर्फ ताप्लेजुङ (ख)का उमेदवार टंक आङबुहाङको साविकको चाँगे गाविसमा रहेको घरमा कालोझण्डा गाडेको नेकपा ताप्लेजुङले जनाएको छ ।
यस अघि विज्ञप्ति प्रकाशित गरी उमेदवारी फिर्ता गर्न सबैलाई आग्रह गदार्् ्पनी अटेर गरेपछ््् िझण्डा गाडिएको नेकपा जिल्ला ईन्चाज अशिषले जानकारी दिनुभयो ।
नेकपाले उम्मेदवारी फिर्ता नलिएको भन्दै चेतावनीस्वरुप झण्डा गाडेपछि सो क्षेत्रको सुरक्षा ब्यावस्था कडा पारेको छ ।
प्रमुख जिल्ला अधिकारी मोहन जीसीले आङ्बुहाङको घरमा कालो झण्डा गाडेको जानकारी आएकोले सो स्थानमा प्रहरी परिचालन गरिएको बताउनुभयो ।
उता , प्युठानमा पनि नेपाल कम्युनिस्ट पार्टीले चुनाव खारेजी अभियानलाई तीव्रता दिएको छ ।
जिल्लाका बिजुवारलगायत अधिकांश गाउँहरुमा उम्मेदवार तथा चुनावको प्रचार टोलीहरु पुग्नुभन्दा पहिलै चुनाव खारेजीका नारा लेखिएका छन् ।
नेकपाको युवा संगठनका जिल्ला अध्यक्ष बमबहादुर बुढाले चुनाव खारेज अभियानलाई जिल्लाव्यापी बनाइएको बताउनुभयो । उहाँले आफ्नो अभियान दोस्रो चरणमा रहेको बताउनुभयो ।
‘पुरानै व्यवस्थालाई जनतामा लाद्न चुनाव गरिँदैछ, यही सन्देश जनतामा र्पुयाउन प्रचारात्मक कार्यक्रम भइरहेका छन्’ बुढाले भन्नुभयो ।
